طبعا الدنيا كلها هتتقلب عليا دلوقتى خاصة صحابى فى المنطقة اللى يعرفونى و يعرفو أد ايه أنا ضد الجملة اللى انا كاتبها عنوان للبوست دى و أد ايه انا نفسى فى عكسها و هسمع تريقة منهم للصبح علي البوست ده
لكـــــــــــــــــــــــــــــــــــــــــــــــــــــــــــــــــــــــن
دى حقيقة واقعة لازم أأكدها
انتشرت فى منطقتنا هذه الفترة مشاريع الزواج
إلى أن طالت اثنين من أقرب الإخوة إلى قلبــــى
أحكيلكو عن الأخوة دول
الأخوة و بكل بساطة كانوا
شمعة
بسمة
نسمة
وردة
أى حاجة نهايتها تاء مربوطة يعنى
المهم
طبعا هما من أقرب الناس ليا يعنى دافنينو سوا
الناس بس فكروا مجرد فكروا انهم يخطبوا
و بدأت رحلة المعاناه
و انقلب الشباب من
شمعة
وبسمة
و نسمة
و همسة
همسة دى جديدة) ما علينا)
إلـــــــــــــــــــــــــــــــــــــــــــــــــــــــــــــــــــى
يأس
ظلم
قهر
خنقة
ظلام
سواد
انقلبوا الى النشيد اللى بيقول
حزن عميق و مش فاكر بقيته
العيال مش عارفين يلاقوها منين ولا منين ولا منين ولا منين ولا منين
أنا نفسى بقالى كام شهر أشوفهم بيضحكوا
حراااااام عليك نفسك يا بنى انت
انت اختفيت
ده اللى بقولهولوم دايما لكن دون جدوى
محدش عارف أد أيه أنا عاوز أرتبط
لكن
بعد اللى الواحد بيشوفه ده
بدأت تقلب مع الواحد ضلمة خالص
و الدنيا بدأت تغمق
تغمق
تغمق
تغمق
و بعد الجلسات مع الناس اللى خاطبين وعلى وش جواز دول
الواحد بيحس بنعمة ربنا عليه
و يقول بعلو صوته وهو مش خايف من حد
..............فلتحيا العزوبية..............
8 comments:
الله يرحم أيام الجوابات اللي كنت بتكتبها للأخت
x
يابني عزوبية إيه انت بالذات متتكلمش عنها (;
تحياتي لك من غرفة 14
الحمد لله يا عم رامى ان ربنا أظهر الحقيقة .. وعلى لسان مين ؟؟ أخونا / مصعب الجمال .. سبحان الله
الواحد دايما فى الدنيا ده بيحاول يدارى الحقيقة ومش دايما بينجح فى كدا لأن ربنا سبحانه وتعالى فى الأخر لازم يظهر الحقيقة
لكن انا عارف ان صعب اوى انها تيجى من مصعب
ربنا يستر على ولاينا .. ويجعله عامر
الله يهديك يا مصعب
الناس يفهموا ايه دلوقت
يا بنى لما تذكر حادثة تذكرها بحزافيرها
يعنى لما تقول جواب تقول ان انا كنت قاعد معاك انت و هيكل و كمان سامح
يعنى اتنين خاطبين و واحد عريس جديد
و قاعدين سوا 30 يوووم و مع هيكل و سامح 45 يوم
يعنى كل الظروف مهيأة ان الواحد يتجنن
البهوات قاعدين يكتبو جوابات ليل و نهار لخطيباتهم
و بقيت ال11 بنى أدم اللى معاهم قاعدين يهوو عليهم
و يندبوا حظهم
أكيد
دى كانت ظروف مهيأة جدا تخلى أى حد يتجنن يا إما يتجنن أو يتجنن
بس يا مصاعيبو
دى كل الحكاية أظنك قد فهمتها
و سامحك الله
و هداك الله
و غفر لك الله
و متعديش هنا تانى بقا
و برده ان شاء الله هسمى ابنى على اسمك
بص يا نمر الإسلام يا اللى مش راجع انت
ممكن أى حد يتكلم غيرك
حتى مصعب
انت السبب فى البوست أصلا
حد كان قالك اخطب
يا بنى لسه قدامك 4 أيام تفكر قبل كتب الكتاب
يا بنى راجع نفسك
انت عارف انت رايح فييين
عموما
الله يرحمك يا احمد
كنت شاب زى الفل
هههههههههههههه
بلاش حجج فاضية
المبادئ لا تجزأ يا هندسة
وبعدين هو يعنى لو كانوا كلهم غلطوا (لا مؤخذة يا معصب .. لا مؤخذة يا رجالة .. اصل احنا سمعنا عنكم بلاوى وانتم جوا ..) .. كان المفروض يا رامى بيع يا بتاع حطم صنمك .. انك تصمد
وربنا يستر على ولاينا ,, ويجعله عامر
ياجدعان أخوكم رامي حجاج
من كتر قعدته بين أربع حيطان
اتجنن - بعد الشر عليكم -
فجأه لقيته مسك ورقة وقلم قاعد يكتب في جوابات كتير .. في ايه ياعم رامي
بتعمل ايه
هااا . أأأأ أنا بكتب جواب لخطيبتي
خطيبتك يارامي ؟؟!!!
انت خطبت امتى ياد انت ؟؟؟
لا ماهو انتوا فاهمين غلط ياجماعة
أنا بكتب جوابات لخطيبتي اللي هخطبها
ودا كان أول موقف عرفنا منه إن رامي عقله بعيد عنكم .................
ربنا يكملك بعقلك يابورامي ياحبيب قلبي ( :
باشا وحبيب قلبى
ازيك ؟؟
إحنا يا عمى المفروض نكون جمعية ضد الزواج
الراجل ينففش ريشه فى الشارع .. ويجى البيت يكون عامل زى الفرخة
**********************
دا كله طبعااااااااا كلام غلط
دا الجواز يا بنى أحسن حاجة
اسالنى بس .. لسا اتنين خاطبين
هاتك بقا يا رسايل ورنات
لغاية لما بحسدهم :)
ههههههههههههههههههههههههههه
شكلك انتا مش عاوز تتجوز .. بس انتا حر بقا
نعملك إيه ؟؟!!
تشكر يا باشا على البوست
اخوك
لاحول ولا قوه الا بالله
ليه كده بس
صحابك يغلطو لا مفروض يرجعو نفسهم
لان اساساالبنات الايام دى مش طايقه نفسها وهتطلعها عليهم
ربنا يستر عليكم وعلينا
عودا محمودا
Post a Comment