فعلا الأسبوع ده من أسعد الأسابيع فى حياتى
أول حاجة النتيجة طلعت و الحمد لله جبت جيد لأول مرة فى تاريخى فى كليتنا العريق
المشكلة بقا ايه اللى حصل
اول حاجة النتيجة اتعلقت و كنت جايب 64.5 % يعنى ناقص على الجيد 0.5 % قلت الحمد لله دور مايو هو الواحد هيطمع ليه
ثم حدث ما لم يكن متوقعا
فقد اكتشف حضرات السادة مشرفى الكونترول بالكلية أنه هناك مادة لم يدرج فى نتيجتها درجات الشفوى
ف راحوا شايلين النتيجة و عدلوها و نزلوا درجات الشفوى
بعدها
لقيت نفسى معدى الجيد و الحمد لله
بجد النجاح طعمه حلو قوى خاصة بعد عبور الواحد مرحلة المقبول
أما عن المشروع فالحمد لله كان العرض بتاعنا مميز جدا و حصل الجروب كله على الإمتيازات
