فلتحيا العزوبية

طبعا الدنيا كلها هتتقلب عليا دلوقتى خاصة صحابى فى المنطقة اللى يعرفونى و يعرفو أد ايه أنا ضد الجملة اللى انا كاتبها عنوان للبوست دى و أد ايه انا نفسى فى عكسها و هسمع تريقة منهم للصبح علي البوست ده

لكـــــــــــــــــــــــــــــــــــــــــــــــــــــــــــــــــــــــن

دى حقيقة واقعة لازم أأكدها

انتشرت فى منطقتنا هذه الفترة مشاريع الزواج

إلى أن طالت اثنين من أقرب الإخوة إلى قلبــــى

أحكيلكو عن الأخوة دول

الأخوة و بكل بساطة كانوا

شمعة

بسمة

نسمة

وردة

أى حاجة نهايتها تاء مربوطة يعنى

المهم

طبعا هما من أقرب الناس ليا يعنى دافنينو سوا

الناس بس فكروا مجرد فكروا انهم يخطبوا

و بدأت رحلة المعاناه

و انقلب الشباب من

شمعة

وبسمة

و نسمة

و همسة

همسة دى جديدة) ما علينا)

إلـــــــــــــــــــــــــــــــــــــــــــــــــــــــــــــــــــى

يأس

ظلم

قهر

خنقة

ظلام

سواد

انقلبوا الى النشيد اللى بيقول

حزن عميق و مش فاكر بقيته

العيال مش عارفين يلاقوها منين ولا منين ولا منين ولا منين ولا منين

أنا نفسى بقالى كام شهر أشوفهم بيضحكوا

حراااااام عليك نفسك يا بنى انت

انت اختفيت

ده اللى بقولهولوم دايما لكن دون جدوى

محدش عارف أد أيه أنا عاوز أرتبط

لكن

بعد اللى الواحد بيشوفه ده

بدأت تقلب مع الواحد ضلمة خالص

و الدنيا بدأت تغمق

تغمق

تغمق

تغمق

و بعد الجلسات مع الناس اللى خاطبين وعلى وش جواز دول

الواحد بيحس بنعمة ربنا عليه

و يقول بعلو صوته وهو مش خايف من حد

..............فلتحيا العزوبية..............

عود حميد

وحشتينى يا مدونتى العزيزة

بجد بجد بجد ليكى وحشة

بداية الحمد لله الفيبراشن عدت تماااااااااااااام الحمد لله و بتقدير كمان ان شاء الله لو ينفع يعنى

المشكلة ان يوم 21 عدا من غير ما اخد بالى

فوجئت ان النهاردة 28 و أنا قايل ان انا جاى يوم 21

يمكن من فرحة ان انا خلصت جامعة الحمد لله

أى نعم ما زال القلق على النتيجة موجود لكن أدينى خلصت مرحلة مهمة فى حياتى

و من اليوم مفيش لا دروس و لا محاضرات(ده على أساس ان انا كنت بحضر محاضرات يعنى) الحمد لله خلصت

ان شاء الله لما النتيجة تطلع بس هبقى ألخص حياتى فى الجامعة و الدروس المستفادة منها لعل حد يتعظ و يخاف يدخل

هندسة!!!! لكن أنا عارف الناس و خاصة الواد اخوانى حتى النخاع أكيد عاوز برده يدخل هندسة

لكن بعد مذبحة الثانوية العامة دى أظن دفعة هندسة السنة اللى جاية هتكون 15 ولا 20 واحد كده

يااااااااااااااه ... دى تبقى حاجة جامدة جدااا

والمهندسين يقلوا فى السوق و نبدأ نبقى عملة نادرة بقا و كده

لا لا أكيد انا مش عاوز ده يحصل ربنا يكرم الناس كلها و خاصة اخوانى حتى النخاع لأنه هيضيف كتير لهندسة لما

يدخلها

اتكلمت عن اخوانى حتى النخاع كتير فى البوست ده يمكن عشان أكتر واحد كنت دايما بكلمه وقت الأمتحانات عشان

ضايفه على الميل و كده لكن لا يفوتنى ان أباركلك على النتيجة يا اخوانى على الملأ كده و أقولك

بارك الله لكما (اقصد لك) وبارك عليك و جمع بينك و بين الهندسة كمان 3 سنين يا رب

مفترق الطرق

طبعا الواحد دلوقتى على مفترق طرق و مش عارف أفكر ازاى أبدأ أظبت مشروعى كويس الأول ولا أبدأ أركز فى شغل كلية الهندسة

بالمناسبة

مشروعى ده

هو مشروع صغير كده بقاله سنة و نصف مكتب صغنطوط كده دعاية واعلان و مركز تصوير و طباعة وكده

الحمد لله المشروع شغال كويس جداا و مروقنا خالص لكن فى أخر شهرين مش كويسعشان مش متابعينه كويس

المشكلة الكبيرة ان شريكى الله يكرمه عملها و اتجنن و هيتجوز

و المفروض ان انا اللى أركز عشان أشيل الشغل

لكن المعضلة الكبرى

هل أركز فى المشروع ده و أديله جزء من وقتى لحد الجيش

ولا أبدأ انزل أشتغل فى الهندسة على طول

و لا أركز فى الكورسات

حاجة تتعب الأعصاب

مش كانت الدراسة أسهل

اللهم لا ترجعنا اليها مرة أخرى إلا للدراسات العليا

عموماً

أنا بدأت كورس انجليزى جامد قوى مع راجل زى العسل اسمه مستر عبد الله من غانا

و مظبتنا جداااا و أظن دى أول خطوة صح بعد التخرج أعملها ربنا بس يكملها على خير

دى كانت بس شوية حاجات داخلة فى بعضيها قلت أفضفض و أكتبها على المدونة

و ربنا يقدم لنا الخير حيث كان و نسأله أن يرضنا به

الصراحة مش فاضى أدور على صور وبتاع عشان احطها مع البوست

و هلزق البوست زى ما هوا كده بقا

هااااااااااااااانت و باقى مااااااااادة

اللهم عدى الفيبراشن على خير

اللهم عدى الفيبراشن على خير
اللهم عدى الفيبراشن على خير

اللهم عدى الفيبراشن على خير

اللهم كما هونت علينا الثيرمال و التربو والإنترنال والكواليتى و الأثر البيئى و التكييف

فهون على الفيبراشن يا رب

أسأل كل أصحابى الدعااااااء

فهو بإذن الله و عونه أخر امتحان لى فى هذه الكلية

الإمتحان يوم 21/6/2008

إن شاء الله أرجع تانى للمدونة يوم 21 و أبدأ رحلة الرجوع من تانى