انه يوم الجمعة الموافق 11-7-2008
ماذا حدث فى هذا اليوم؟؟؟
بجد اليوم ده الواحد كان مستنيه من فترة طويلة جدا
فى اليوم ده
بداية الدورة المنتظرة لصحفيى المستقبل
و جاء اليوم
و ذهبت الى المكان وحدث ما لم يكن فى الحسبان
تخيلوا شوفت مين
لا لا لا مش هوا ده
فكروا شوية كده
طيب أحكيلكو الموقف
انا قاعد فى أمان الله مستنى الدورة تبدأ بعد ما يهل بقية الشباب
فجأة
فتح باب القاعة ليدخل 6 شباب زى الورد
الله الله الله
ده مين ده
هوا .. لالالا .. مش هوا
لكنه شبه الصورة اللى بعتهالى
لكن ايه اللى هيجيبو هنا ...و ليه
انت أكيد بتحلم يا أبو رامى
أينعم انت كان نفسك تقابله و تتعرف عليه لكن مش بالسرعة دى
أما أتأكد .. تتأكد ازاى يا أبو رامى .. تتأكد ازاى يا أبو رامى
أما أراقبه و هو بيكتب اسمه...والله فكرة
و إذا بالأخ الحبيب يمسك قلمه و يكتب
مصطفى يحيى
بس كده بقيت متأكد 70% انه هو
بعد كده بقا لسانى اللى بقا يتكلم
و قلتلو بعلو الصوت
انت عندك مدونة؟؟
قاللى و هعو فى قمة الإستغراب ..أيوه
إخوانى حتى النخاع
أيــــــــــــــــــــــــوه
انت بقا اخوانى حتى النخاع ؟؟
أيوه انا و حضرتك مين؟؟
أنا رامى حجاج
والله العظيم
بجد لحظة الواحد عمره ما عاشها أينعم فرق السن بينى و بينه كبير حبتين
لكنى أحسده على رجاحة عقله و أحبه حقا فى الله
بجد يا جماعة اللحظات غير المتوقعة دى بتبقى أحلى من ألف ألف موعد...بس بجد
لقاء ولا فى الأحلام أنا لحد دلوقت حاسس انى كنت بأحلم
