أحمد حسن خلف يا جمااااعة
هسيميها ايه مش مهم
المهم ان أحمد بقا أب
أنا عارف انه لسه مش مصدق ... زى ما أنا لسه مش مصدق
بس هو ده الواقع يا أحمد
و من النهاردة مش هنقولك يا أحمد
هنقولك يا أبو أى حاجة
انت مش هتسميها بقا يا أحمد
بجد انا فرحان جداااا
و بقيت عم أهو للمرة الرابعة بس المرادى بإحساس مختلف شوية
أنا عم من حوالى 7 سنين كده
لكن النهاردة أنا عم بس بمزاق أخر
عم البت المفعوصة بنت أحمد حسن
يا ترى هجيبلها ايه
ممكن أجيب لها عريس .... إيه رأيك يا أحمد
فاكر يا هندسة كنت كاتبلك ايه يوم ما جيت باركتلك
جه اليوم اللى أقولك فيه اللى انا كنت كاتبه
بورك فى الموهوب وشكرت الواهب ورزقت بره وبلغ أشده
ربنا يباركلك فيها يا أبو حميد
مش عارف ليه عاوز أسميها سهيلة
2 comments:
والله يعنى الواحد مش عارف يقول ايه فى المواقف ده يا جماعة
بس الواحد طاير من الفرحة
أخيرا الواحد جالة عيل يطلع فيه كل العقد النفسية اللى مكبوتة جواه بقالها قرون
أخيرا الواحد هيقدر يفرض سيطرته وجبروته على مخلوق من مخلوقات ربنا
أخيرا الواحد هيسمع الكلمة اللى كل واحد بيحلم يسمعها لما يخلف .. أخيرا هلاقى حد يقولى (صباح الفل يا معلم أحمد) .. ياااااااااااه .. قد ايه الكلمة ده جمبلة .. قد ايه الكلمة ده بتأثر في الواحد .. الواحد مهما حكى لكم عن شعوره مش هيقدر يوفى الإحساس حقه.
على العموم .. انا بهنى نفسى وبادعى لكل واحد منكم علشان يبقى زيييييييييي
معلم احمد
هو ده أملك فى الحياة
و عقد نفسية مكبوتة
ده على اساس انك مخرجتش كل عقدك النفسية علينا
عموما
الله يكون فى عونها يا ابنى و الله
Post a Comment