الجن!!!!!.... مش فاهم
ايه الموضوع؟
اليوم حدثت أحداث المحلة و تابعت عن كثب ما حدث على كل وسائل الإعلام ,, وقد تناول برنامج العاشرة مساءً ما حدث بشئ من التفصيل
المهم
الكل بيسأل مين اللى عمل كده ! مين اللى ولع المحلة ! مين اللى حرق المدارس و المواصلات و ولع فى عربيات شرطة؟؟؟
مين اللى ضرب عساكر الأمن المركزى ؟؟؟
مين اللى ادا علقة سخنة ل 8 ضباط ؟؟؟
الكل يتساءل مين مين مين
يا عالم ركزوا بس شوية وانتو تعرفوا مين اللى ولع فى البلد
أنا بعد بحث طويل قدرت أعرف مين هما ,, أكيد هما و مين غيرهم يعنى
الجن
أيوه الجن ,,, أصل اللى الضيوف ميعرفهوش ان حكومة الحزن الوطنى كانت السبب فى ارتفاع الأسعار كمان عند اخواننا من الجن !!!!؟
أسعار؟ أيوه أسعار ,أمال انتو فاكرين الجن دول عايشين على قفه الحكومة
الحكومة بتبيع للجن كل حاجة حتى المازوت رغم ان المازوت حق شرعى للجن أمال هما هيتولعوا بإيه وهياخدو دش ازاى من غير نار محترمة
المهم ونظراً للزيادة الفظيعة فى أسعار المواد البترولية تحديدا فى السوق الجنى الكبير بوادى الجننة بالجمهورية كلها
وبعد خنقة حتى المردة من الجن من أحمد نظيف وشركاه
قرر الجن الإشتراك فى اعتصام 6 ابريل مع الناس فى المحلة
و حدثت الفاجعة؟؟؟
ضُرب الأمن من حيث لا يحتسبون
قامت حركة الجن المشهورة طبعا فى الوسط الجنى فقط المسماه (كفاية جننتونا) بدعوة كل فئات الشعب الجنى للمشاركة و بالفعل شاركوا بحماس و ادوا الأمن علقة سخنة أوى
هذا ما وصلنا عبر البريد الإلكترونى من أحد قادة حركة كفاية جننتونا الجنية
وسنوافيكم بباقى الأخبار تباعا
حد يسألنى طب ازاى الأمن معرفش لحد دلوقت ان الجن اللى عملوا كده
الإجابة سهلة جدا
الجن لسه محدش بيقدر يشوفهم
لكن احتمال قريب لما الأسعار تزيد أكتر يطلعوا من هدومهم و يتشافوا على الملأ و ساعتها هنفرح فيهم لأنهم هيضربوا من الأمن زينا زيهم اشمعنى احنا يعنى... وعلى رأى اللى قال (هم يضحك وهم يبكى) وشكرا
هذا ما وصلنا عبر البريد الإلكترونى من أحد قادة حركة كفاية جننتونا الجنية
وسنوافيكم بباقى الأخبار تباعا
وسنوافيكم بباقى الأخبار تباعا
8 comments:
السلام عليكم
بجد المدونة شكلها حلو أوى
بص بقا يا حاج .. اكيد طبعااا الجان هما الى عملوا كدا ...
الجان فى مصر بقوا فقرا
هههههه
تشكر يا حاج
السلام عليكم ورحمه الله وبركاته
اعزك الله جبت التايهه
الحمد لله انك كشفت السر بدل مكنا ظلمين الناس
يوستر جميل جزاك الله خيرا
و اكيد طبعاجماعة الاخوان المجانين المحظورة (عند الجن طبعا) هما اللي دبروا للموضوع دا وهما كمان اللي وزوا الامن عشان يضرب الاهالي
والاكتر من كدا واللي ناس كتير متعرفهوش
ان هما اللي غلوا الاسعار
حتى الجن اتخنقوا
انا سمعت ان امبارح فى جن ولع فى نفسه فى طابور العيش
أخى إخوانى حتى النخاع
جزاكم الله خيرا على مرورك الكريم
بجد انت اللى مدونتك اللى ممتازة وشعرك كمان جامد جدا
الأخت روينا
انا مجبتش التايهة و لا حاجة
الكلام ده منشور فى كل جرايد المعارضة الجنية أساسا
و متحرميناش بقا من وصفاتك الجبارة
الأخت أم يحيى
يا ريت تكونى وصلتى سلامى ليحيى
عرفتى منين ان فيه جماعة اخوان مسلمين عند الجن
ده سر محدش لسه يعرفه
أوعى تفكر
جزاكم الله خيرا على مرورك ولا تحرمنا من أخبارك الجنية
انا سمعت الخبر اللى انت قلت عليه
للأسف المستشفى اللى راحلها الجن اللى ولع فى نفسه مكنش فيها مازوت كفاية عشان النفس بتاعه
فللأسف مات
يللا مش مهم
Post a Comment